Home ԴԱՍԸՆԹԱՑՆԵՐ Ասանա

Արդհա նավասանա

Արդհա` կես,

Նավ՝ նավակ

Կատարման կարգը

    Նստել հատակին, ոտքերը ձգել ուղիղ դիմացը, ափերը դնել հատակին՝ կոնքի կողքերը, արմունկները ուղղել, մեջքը պահել ուղիղ և աննշան թեքվել առաջ։ Այս դիրքը պահել մի քանի վայրկյան։ 
    Ձեռքերը տանել գլխի հետևը և դնել պարանոցին։ 
    

Արտաշնչելով մարմինը ետ տանել, և միաժամանակ ոտքերը վեր բարձրացնել ու առանց ծնկները ծալելու պահել գլխի բարձրության։ Մարմնի ծանրությունը պահել հետույքի վրա, մեջքը ու ողնաշարը ոչ մի դեպքում չպետք է դիպչի հատակին, գոտկատեղում և որովայնի շրջանում պետք է առաջանա մկանային լարվածություն։

Գլուխը և ոտնաթաթերը պետք է լինեն նույն բարձրության վրա։

Դիրքում մնալ 20-30 վայրկյան՝ միաժամանակ շնչելով ազատ և համաչափ։ Աստիճանաբար պետք է երկարացնել դիրքում մնալու ժամանակահատվածը մինչև 1 րոպե և ավելի։ 
Որպեսզի այս դիրքում ձգվեն որովայնի մկանները, պետք է արտաշնչել երկար և դանդաղ, կատարել շնչապահում, նորից շնչել ազատ և համաչափ։ Այս դիրքում պետք չէ կատարել խորը շնչառություն։ Այս դեպքում ասանայի ազդեցությունը կլինի ճիշտ և նպատակային։ 
    
Ուղղվել, նստել հատակին, թուլացնել մկանները և հանգստանալ: 
Վարժությունը կրկնել երեք անգամ: 
  

 Դրական ազդեցությունը

Այս դիրքը բարերար ազդեցություն է ունենում լեղապարկի, փայծաղի և լյարդի վրա, ամրացնում է մեջքը և պրանայով սնում ողնաշարը, ուժեղացնում որովայնի մկանները։ Այս վարժությունը շատ կարևոր է կանանց համար, որովհետև ամրանում են մեջքի, կոնքի որովայնի հատվածում գտնվող այն մկանները, որոնք օգնում են նրանց ծննդաբերության ժամանակ։ Այս կեցվածքը երիտասարդեցնում է մարդուն։

 

Powered by InterMedia Inc.