Home ԴԱՍԸՆԹԱՑՆԵՐ Ասանա

Պարշվոտտանասանա

Պարշվա` կողմ, կողք,

Ուտտան՝ ուժեղ,

Տան՝ ձգված, երկարացված

Սա կոչվում է ուժեղ ձգված կողմնային դիրք։

 

Կատարման կարգը

    Ելման դիրք. Տադ ասանա:

 

 
    Ներշնչել և ոտքերը միմյանցից հեռացնել 90-105սմ։

 
    Ձեռքերը տանել մեջքի հետևը և ափերը միացնել։ Եթե հնարավոր է՝ ափերը իրար միացրած բարձրացնել վեր թիակների միջև, իսկ դժվարանալու դեպքում՝ ուղղակի աջ ձեռքով բռնել ձախ ձեռքի դաստակը։ 
    Շրջվելով աջ` աջ ոտքը շրջել 90 աստիճան, ձախը` 75-80, ծնկները չծալել: 
    Ներշնչել, կոնքից սկսած կրծքավանդակով ձգվել առաջ և վերև` կորացնելով մեջքը: Շնչել ազատ և համաչափ: Պարանոցը ետ ճկել և նայելով վերև:

 

 
    Արտաշնչել, խոնարհվել առաջ դեպի աջ ոտքը: Կոնքից սկսած մեջքը ձգելով և պարանոցը անընդհատ երկարացնելով` դեմքը հասցնել աջ ոտքի ծնկին։
Այս դիրքում մնալ 20-30 վայրկյան, շնչել հանգիստ, համաչափ և յուրաքնչյուր արտաշնչով թուլացնել մարմինը ու ազատվել ավելորդ լարվածությունից։ 
    Առանց շնչառությունը դադարեցնելու և վեր բարձրանալու շրջվել դեպի կենտրոն:
Այս դիրքում մնալ 15-20  վայրկյան: 
    Գլուխը և մարմինը դանդաղ, հանգիստ շրջել դեպի ձախ՝ միաժամանակ առանց ծնկները ծալելու ձախ ոտքը շրջելով 90 աստիճան, իսկ աջը` 75-80։ Հասնելով ձախ ոտքին՝ արտաշնչել, ձգվել մարմնով և պարանոցը երկարացնելով՝ դեմքը հասցնել ձախ ոտքի ծնկին։
Դիրքում մնալ 20-30 վայրկյան, շնչել հանգիստ և համաչափ։ 
    Հետո առանց շնչառությունը դադարեցնելու ուղղվել կենտրոնում՝ միաժամանակ ուղղելով ոտքերը։ Ուղղվել և իջեցնել ձեռքերը։
Արտաշնչել և ոտքերը միացնել իրար  (Տադ ասանա)։ 

 Դրական ազդեցությունը

Այս կեցվածքը վերացնում է ոտքերի և կոնքի ծանրությունը, թեթևացնում ամբողջ մարմինը և ավելացնում մարմնի շարժունակությունը։ Բարելավում է որովայնի ներքին օրգանների աշխատանքը, ճկունացնում և շարժունակ է դարձնում կոնքը, գոտկատեղը, ողնաշարը և պարանոցը։ Վերացնում է ուսերի ձևախախտումները, նպաստում է խորը շնչառությանը և մերսում դեմքը։

 

Powered by InterMedia Inc.